Tabata un masa basta grandi cu a presenta dilanti di bestuurskantoor, cu cantonan di disgusto y ta pidi pa e gobierno baha y pa bin cu eleccion nobo. Tin hopi polis paden y pafo, como tambe e coodinadornan tambe tey presente.
E publico ta pidi basta cu abuso y pa e gobierno bay cas.
Ex parlamentario Melvin Tromp tabata para manera riba un podium y ta duna su discurso pa e publico presente y tambe naturalmente na esnan cu ta paden di bestuurskantoor, kico ta nan intencion pa e manifestacion aki. Y un di expresionnan cu el a uza ta cu nan kier un eleccion nobo.
Un di e manifestantenan ta expresa cu no tin placa y cu MEP tin cu baha pasobra nan ta un partido di medida
Por a nota presencia di varios medio di comunicacion cu tey presente na e sitio, pa asina cubri e manifestacion nacional aki.
Riba e borchinan cu por tira un bista riba dje ta para Basta Abuso, Ban salba Aruba-Eleccion nobo.
Mas tempran prome minister Evelyn Wever-Croes a haci un yamado pa laga e manifestantenan expresa nan mes, pasobra tur hende tin derecho di manifesta. Miembronan di Cuerpo Policial tabata paraat, wardando asina e prome minister haci su entrada pa e ricibi e manifestantenan, hunto cu e demas ministernan, cu excepcion di Minister Xiomara Ruiz-Maduro, kende no ta na Aruba.
Entre e oradornan dilanti bestuurskantoor, tabta Benny Sevinger, kende a expresa cu nan a bin exigi e yabi di gobierno, pasobra nan kier un eleccion nobo. E ta keda uza e expresion cu e gobierno ta gañado di pueblo y cu ningun momento a cumpli cu loke nan a priminti pueblo.
Por ultimo tin cu bisa cu e mandatario a baha bin ricibi e manifestantenan y scucha kico ta nan preocupacion y disgusto pa loke ta e situacion cu tin na Aruba actualmente.
