Awe tardi alrededor di 6:00 pm partido Pueblo Prome a inaugura un borch’i campaña den Van Leeuwenhoekstraat na Oranjestad, net pabou di Refresqueria La Fama. E borchi no a dura mucho prome cu desconoci a pasa un sker den dje.
Pa mas of menos 8:00 pm simpatisantenan di e partido a tuma nota di destruccion na e borchi. A bati alarma mesora. Polis a tuma declaracion y a sigui cu nan patruya.
Ta birando masha e popular e ultimo dianan aki, prome cu eleccion, cu sea ta comete destruccion na material di campaña of partidonan mes ta baha borchi di otro. E biaha aki, Pueblo Prome su borch’i campaña a bira victima di vandalismo.
Tocante partido Pueblo Prome
Dia 22 di maart 2021 a funda partido Pueblo PROME na notario. E prome directiva ta consisti di Michael Williams, Jan de Ruijter y Francis Lejuez. Pueblo PROME ta bay nan prome eleccion dia 25 di juni 2021 c’un lista di 12 candidato y Michael Williams ta lider di partido. Nan ideologia ta democracia comunal.
