Te dia 23 di Mei por vota pa parlamento Europeo na Aruba

Diamars tabata un dia cu e team di AVP a bin mustra sosten pa loke ta e lijsttrekker di CDA pa loke ta e eleccion Europeo. Lider di partido Mike Eman, tabata un dia importante pa dos sentido.

E prome ta eherciendo nan derecho di voto pa Parlamento Europeo. Un derecho cu a adkiri door di un proceso largo cu a cana. Durante e añanan cu Aruba y e ciudadanonan di e islanan Caribense Hulandes, no tabata tin derecho di voto pa Parlamento Europeo.

A inicia e tempo ey, hunto dfm Mito Croes, Benny Sevinger y Eman mes, un proceso pa por adkiri e derecho di voto pa parlamento Europeo.Esaki a hiba nan te na corte Europeo, caminda cu a presenta argumentonan cu e forma con tabata selecta esnan cu por vota pa Parlamento Europeo, tabata descriminatorio y cu ta considera como Hulandesnan Caribense, tin derecho di voto.Ta substancia esaki dilanti di corte Europeo y a haya un sentencia na fabor di e argumentonan. E momento ey gobierno Hulandes y Tweede Kamer a cambia e ley caminda cu Aruba por haya derecho di voto.

 

Pueblo di Aruba tin te dia 23 di Mei pa deposita nan voto pa parlamento Europeo

Pueblo di Aruba tin te dia 23 di Mei pa deposita nan voto pa parlamento Europeo

Posted by 24ora on Tuesday, May 14, 2019

E prome biaha tabata den un eleccion cu a sostene e tempo ey, candidatura di Mito Croes. A logra un cantidad hopi grandi di registracion na Aruba, mas di 10 mil registracion e tempo ey. E aña aki lamentablemente no tin un candidato Arubiano. E ora ey naturalmente e interes ta hopi menos.

Sinembargo ta kere ta importante pa keda haci uzo di e proceso pa asina dia cu tin un candidato Arubiano, por lanta e entusiasmo atrobe pa un dia tin un Arubiano den e parlamento na Brussels, pa por representa nos isla.AVP ta sostene e candidatura di CDA cu ta e lijsttrekker Esther de Lange, candidato number 1 riba e lista, pa motibo cu e historia largo entre AVP y CDA a mustra cu tin hopi solidaridad, tin hopi cooperacion entre e dos partidonan, na beneficio semper di interes di pais Aruba y esaki ta algo cu den CDA nan ta inculca tambe, den cada generacion nobo di lidernan di e partido y dirigentenan di e partido, e trabaonan cu yega di haci hunto den pasado y e proyeccionnan cu tin comun pa futuro, cada bes ta wordo comparti den seno di CDA cu tin e relacion aki cu AVP.

Dialuna, hunto cu activista y dirigentenan di bario, a haya mensahenan tambe directamente for di CDA di e lider di fraccion, sr. Buma. Tambe di e lijsttrekker mes, Esther de Lange, a dirigi na e votadornan, na AVP, na tur cu a haci esfuerso pa logra registracion. Diamars a cuminsa cu e proceso pa stimula esnan cu a registra, cual ta algun 100 pa bin vota realmente. E registracion ta uno, pero yega na VNO y vota ta otro. Hopi hende ta yega na cas di partido of na un di e eventonan di AVP pa registra, pero esey no ta tur cos. Tin cu bin na VNO cu paspoort, reclama e documentacion pa haci uzo di e voto. Eman ta yama tur esnan cu a registra, pa corda bin vota. Logicamente ta pidi pa vota pa CDA y e candidato number 1, kende ta sra. Esther de Lange.

Na e mesun momento Eman kier a expresa cu e lucha pa e derecho di voto aki no ta bay termina cu locual cu a alcansa, pasobra a expresa esaki tambe na autoridadnan Hulandes na Aruba y tambe na Hulanda, cu e manera pa inscribi practicamente ta imposibel tin biaha pa hopi hende, pa tin e motivacion pa cana den tur e proceso pa finalmente bo ta registra manera cu el a wordo haci e ultimo biaha aki. Anteriormente ainda tabata haya copianan duro cu e hendenan por a yega nan mes, despues bin entrega na VNO cu copia di un ID.

Awo tur cos ta digital, mester upload e ID, un proceso toch pa hopi hende, no ta motivante pa cana tur e proceso eynan. Esey naturalmente no ta corecto. Un derecho di voto mester ta facil, accesibel pa hende haci uzo di dje. Sino ta camufla, duna hendenan un derecho di voto, pero den practica ta haci e derecho di voto hopi dificil.

A haci tambe e compromiso den partido cu ta bay papia cu gobierno Hulandes, cu esaki toch no ta e manera con pa duna contenido na e derecho cu Aruba a adkiri door di haci’e. Tin hende cu no ta cana full e caminda pa por bin vota. E votacion ta te dia 23 di Mei. Tur esnan cu a registra por bin vota na VNO, reclama bo envelop, habi’e coy e documentacionnan, sigui e proceso y vota pa asina bo por haci uzo di bo derecho. Ta importante pa nos voz por rezona, cu Aruba tin interes pa reino, tin interes pa relacionnan den Union Europeo. Y si nos tin representantenan den Union Europeo, cu tin Aruba na pecho, e ora ey ta haya personanan cu nos por, despues acercanan tambe pa ora tin temanan importante pa pais Aruba.

Invitacion ta bay na tur esnan cu a registra, gratitud pa tur esnan cu a registra y bin haci uzo di e derecho di voto. Registracion ta un, e voto ta otro. Tin cu yega na e urna na VNO, reclama e documentacionnan, habri nan, cana e proceso cu nan ta guiabo cune y naturalmente e deseo ta pa bo vota pa partido CDA, e candidato number un.

Comments

comments