Pueblo a despedi di Vicente Kelly – Gobierno no a presenta!

5667

Durante dos dia largo, pueblo di Aruba tabatin oportunidad pa rindi tributo y despedi di nos canta autor, Vicente Kelly. Na ultimo ora, Gobierno a yama e yiunan pa organisa un evento riba Plaza Betico diabierna mientras entiero ta diasabra. Sinembargo, un rato prome cu e evento di diabierna, a muda e evento pa Sporthall na Santa Cruz.

Aunke cu ni Minister di Cultura y tampoco Minister Presidente a presenta pa despedi, asina mes hopi hende, cu semper a aprecia e compositor, areglista y cantante, a presenta pa condoleer famia y amigonan presente. Varios banda a toca tambe pa asina rindi tributo na e autor di decenas di composicionnan local, den cua Kelly semper a canta e dolornan cu ta biba den pueblo.

Siendo ex bode y chauffeur di Betico Croes y tabata considera baluarte di partido MEP, asina mes e Ministernan a opta pa no presenta pa e despedida. Hasta Grupo di Betico cu a confirma su presentacion diabierna, na ultimo ora a dicidi pa cancela nan presentacion.

Kico lo ta nan motibo, e pueblo di Aruba si a mustra famia cuanto nan a aprecia Vicente Kelly na bida y a percura pa un entiero digno, cu e merece. Forsa na famia den e momentonan aki di tristesa.

Pueblo a despedi di Vicente Kelly – Gobierno no a presenta!

Pueblo a despedi di Vicente Kelly – Gobierno no a presenta!Click link pa mas: https://24ora.news/2NBcT2N

Posted by 24ora on Sunday, June 28, 2020