Pueblo Carnavalesco a copera bon cu e limpieza. Aunke manera semper tin areanan cu ta keda mas limpi cu otro, tog cada biaha mas y mas tambe e pueblo ta birando conciente.
Ora cu e team di limpiesa a cuminsa cu e trabounan, den Caya Milio Croes, a mira mesora cu ora carnaval a pasa, hopi hende a ruim op nechi na nan respective kavel. Ora e momento di limpiesa a yega, no tabata tin e trabou di custumber cu yen di sushi benta aki aya.
E trabou tabata mas bien pa bolter e barinan y wardanan mesora. Y tambe pa hisa tur e saconan y cahanan cu a wordo reparti pa usa entre otro den carnaval. E area mas desordena tabata banda di Wilhelmina Park bay abou.
Eynan ainda e situacion no ta asina bunita y a keda hopi sushi benta tur rond. Finalmente pa mainta prome cu solo sali tur e trabou a termina y e ruta a keda limpi. Polisnan a ser e caminda den fase hunto cu City Inspector pa e trabounan por a continua sin problema.
