Diabierna ultimo a tuma luga apertura di Aruba Little League Baseball. Un publico basta gradi a sa di acudi na Joe Laveist Ball Park, unda cu nan por a presencia un defile di e ekiponan cu lo ta participando.
E aña aki e campeonato ta dedica na Alberto “Beto” Roga, Joy Orman, Sergio Romney y Norman “Truck” Sylvania. Esaki sigur tabata un bunita manera pa gradici nan pa nan aporte valioso y boluntario na desaroyo di e deporte di baseball.
Despues di esey a sigui cu e ceremonia oficial, unda cu Rudy Donata a desea tur coach boluntario tur clase di exito pa e temporada.
Minister di Deporte, Dangui Oduber tambe a hiba palabra y finalmente Carmelita Haynes y Kenny Meyers.
Despues di a saca e bala, e prome wega a start entre Brazil Hawk Heat (ASLL) y Rockets (ACLL).
Ta desea tur ekipo den e campeonato aki tur clase di exito.
