Dialuna, riba dia 18 di Maart, a tuma luga e acto protocolario dilanti Plaza Betico Croes, unda cu minister como tambe parlamentarionan tabata tey, pa asina celebra e hecho cu 43 aña pasa, Aruba a pasa na pertenece na paisnan cu tin su propio simbolonan di identidad.
Den un discurso, prome minister, Evelyn Wever-Croes a comenta cu nos pais a haya su himno y su bandera. E tempo ey, na 1976, Aruba cu tabata parti di Antia Hulandes, na e curason di nos pueblo, a biba e deseo pa nan ta liber.
Un gran politico y estadista e tempo ey, sr. Betico Croes, dfm a realisa cu un pueblo no por ta liber si e no tin su simbolonan di identidad.
Sigur palabranan cu ta yena e publico orguyo pa loke ta e celebracion di nos dia nacional.
Entre e invitadonan, cu a bin for di e paisnan den Caribe Hulandes y tambe Hulanda, por a presencia un programa hopi bon hinca den otro cu gruponan di baile tipico, musica y tambe e defile, unda cu organisacion, instancianan, clubnan, ta marcha. E dia por lo general tabata uno yena cu hopi actividad na e ocasion festivo aki, cu ta dura te den oranan di anochi.
