Publico a goza di un tremendo “The voice” EPI Edition diasabra anochi

Diasabra a tuma luga “The Voice” EPI edition, cual por bisa a kibra tur expectativa den tanto participacion como den publico. Den un auditorio bastante yen, e 17 participantenan di e diferente unidadnan, a sa di presenta lo miho di nan mes y aki por menciona cu e dos categorianan cu tin, a keda chikito banda di otro, mirando e talentonan cu of sin experiencia, a presenta.

E publico mes a gosa masha hopi mes, naturalmente apoyando nan cantante faborito, pero na final por bisa cu tur ta ganado, pa e presentacion cu nan a desplega e anochi aki.
Oslin Britten, docente na EPI Hospitalidad y Turismo y consehero pa e Student Counsil, a splica cu pa varios aña caba tabata den pipeline pa haci un talent show, pero door tempo y finansas semper e tabata wordo posponi. Pero e aña aki a dicidi pa haci’e.

 

Tabata tin dos categoria. A base di e bandpractice y tambe coaching, tabata tin categoria A, dependiendo di e calidad di cantica. Tambe si nan tabata tin experiencia riba escenario y esnan cu nunca a subi nunca escenario, cual ta categoria B.
E actividad a bay hopi bon. Tur cos tabata un proceso di dos luna. A cuminsa cu e evento na ora. Hopi di e cantantenan tabata tin hopi nervio, sinembargo nan a haci un bon trabao. E huradonan tambe tabata tin bon comentario y sigur e publico en general a gosa masha hopi mes.

Comentario di e publico

Segun Britten mirando cu nan ta forma parti di Hospitality, servicio tabata importante. Hendenan mas grandi a haya un golfcart pa asina trece nan paden. E servicio mes, manera semper tabata bon brinda.

Gradicimento

E evento tabata tin bon sponsor cu a yuda. Sin lubida esnan cu a yuda mes den e evento. E muchanan cu a yuda ta forma parti di e Student Counsel. Segun Britten durante aña nan ta haci trabaonan voluntario. E evento aki ta un ciere di e aña di e Student Counsil, Britten a finalisa.

E coach

Docente di Public Speaking di e unidad di Hospitalidad y Servicio, Gloria Vega, a coach a participantenan. E tabata sumamente impresiona cu e calidad di cantantenan cu a haya na EPI. Normalmente bo ta haya dos pa tres bon cantante. Pero e biaha aki e tabata hopi dificil pa e huradonan. E docente no kier ta hurado pa eligi un ganado, pasobra e calidad di e cantantenan tabata hopi halto.
El a pasa un ora cu cada cantante, cual tabata 17. E tabata tin un siman pa un siman y mey cu nan. E no ta bisa cu a siñanan canta, pasobra e talento ta di nan. Si a duna nan algun recomendacion y tips con pa presenta e artista completo, e tono di voz, e rosea cu ta asina importante pa un cantante.
Pa e docente e tabata un privilegio y un honor.

Proceso

Tabata tin diferente siman di training, riba tur diasabra y diadomingo. E banda ta fabuloso. A yuda e participantenan sumamente bon cu recomendacion. Bisa nan con pa presenta tambe. E banda a haci un trabao fenomenal. E docente ta contento cu e trabao cu e banda a haci, felicitando nan di biaha. Ta hopi ora di trabao hinca den e training. E anochi final mes a bay hopi bon y ta contento con el a bay.

Huradonan

Hurado tin biaha ta dificil pa eligi, pasobra kier tambe pa e calidad di huradonan cu bo ta eligi ta bon pa e festival. Tabata tin diferente cu a busca hurado, pero semper buscando pa e calidad di huradonan ta bay hunto cu e calidad di e festival cu a presenta y e hurado tabata uno campeon. Ta contento cu a acepta e reto. Tin biaha no ta leuk pa sinta como hurado pa selecta un ganado. E docente ta contento cu nan a bisa si y cu nan a acepta e invitacion.