Psicologo Mitzy McCollum-Willems: Den crisis no pone mente den cosnan negativo

1047

Aruba ta pasando den un situacion bastante dificil. Hopi hende a wordo afecta den diferente forma. Tin cambio den bida, cambio den estilo di bida y tambe den entrada. 24ora.com a combersa cu psicologo Mitzy McCollum-Willems, kende a duna su punto di bista pa loke ta e situacion y tambe tips riba con pa deal cun’e.

Si cuminsa riba e parti di trabao, gobierno di Aruba ta premira cu rond di 25 mil persona lo perde nan trabao of lo ta sin entrada pa e siguiente lunanan. Esaki sigur tin un efecto pa un persona. McCollum-Willems ta comenta cu importante ta pa e habitantenan sa pa e momento cu e ta pasando den e situacion, y sin cu e sa ta cayendo den un depresion.

Psicologo Mitzy McCollum-Willems: Den crisis no pone mente den cosnan negativo

Psicologo Mitzy McCollum-Willems: Den crisis no pone mente den cosnan negativo. Click link pa mas https://24ora.news/2QIvw6V

Posted by 24ora on Tuesday, March 24, 2020

E persona no ta ripara cu e ta bayendo riba e rumbo ey. E mes ta wak cu por ta hende ta haciendo comunicacion via Facebook, nan ta bisa cu tur cos ta bay ta ok, nos lo bay dilanti. Pero poco poco e miedo ta bira manera un simia cu ta wordo deposita den e mente di un persona. E miedo ey di perde e trabao, e miedo ey di no tin nada pa come, e miedo ey di no tin placa of e miedo ey ta haci cu e ta bira un simia cu ta keda crece den e celebro di e persona.

Door cu e persona no ta aceptando, e persona ta cay den un depresion, den panico, den desesperacion, etc den e sistema di e persona. E no ta ripara of no ta bezig ta riparando. Despues di tempo e por ripara cu algo no ta bayendo normal.

Hopi hende ta bisando cu e frigidaire ta mas cerca di nan bista. E mesun ansiedad ta haci cu e persona pa yega asina leu y ta cuminsa come sin tin hamber.

E situacion ta haci cu e depresion ta cay mas duro. E hecho cu e no ta acepta, ta haci cu e ta bay dal mas duro ainda tambe. Hopi biaha ta wak hendenan ta sali toch, nan no ta keda nan cas, nan no ta tumando e prevencionnan na serio.

Tip

Tin hopi terapia di relahacion cu por busca online. Willems a duna ehempel di esun conoci internacionalmente cu ta Butterfly hub cu ta yuda hopi hende den catastrofe ora di temblor, por ehempel. Y Willems tin un sistema hopi facil pa haci esaki, cual den e video adhunto, e ta splica con pa haci esaki.

Tin hopi hende ta recuri na alcohol, cuminda of drumimento pa evita e situacion. Ta dificil pa tur hende. Tin hende no ta acepta y si un persona no por acepta, e no ta stop cu e cosnan extremo cu e ta haci. E ansiedad ta bin automaticamente. E recomendacion cu Willems ta duna ta pa haci e ehercicio. Bo por busca relahacion riba internet cual tin hopi. Por ehempel meditacion cu ta hopi bon, pa bo haci’e prome cu bo di cuminsa e dia.

Manera cu bo lanta, e ta manera ta un soño nos ta bibando. Si bo ripara ta un pesadiya cu bo no sa ki ora bo ta lanta di repente. Y ora bo lanta, bo ta realisa cu no ta un soño. Bo bay drumi y bo pensa riba esey, e no ta bay trece un solucion pa e problema. Ora un hende tin problema di drumi, mas erg e ta bira.

Si nos pone nos mes negativo e no lo yuda, Nos mente ta asina poderoso cu nos ta pidi nos mente kico e kier pa nos haci. Abo mester domina bo mente.

Comments

comments