E comportacion di hende hopi biaha tin di haber cu diferente factor. Hopi biaha ta mira cu no por manda riba un persona. Un persona tin cierto derecho humano y no por manda riba dje. E persona ta bay den cuarentena y keda cas pa diescuater dia, e ta bira desespera.
E desesperacion ta haci cu e persona ta bay sali, pero tambe e soberbia of rebeldia, cu tin di haber cu comportacion di hende, ta haci e persona cu no tin nada di bis’e ki pa haci. E persona ta haci kico e kier, psicologo drs. Mitsy Willems a bisa.
E actitud ey ta haci cu e persona ey ta djis bay. Tambe e tin di haber cu e parti heuristic di disponibilidad, cu ta manera un laberinto mental y conexion di decision cu ta tuma. Hopi biaha e estado mental di tuma decisionnan cu mester ta corecto of no ta pasa den e parti ey di celebro.
E psicologo a indica cu si un persona no reconoce e problema of gravedad, e ta den fase di negacion. E fase ey ta drenta di no ta reconoce kico ta pasa. Si e persona no reconoce e parti di hueristic, e ora tin hopi hende iresponsabel. Tambe tin e parti ehecutivo mental cu ta memey di celebro, cu ta manera den un orkesta. Si ta den esaki y tin un hende ta dirigi e orkesta, hopi biaha no tin e ehecutivo funcional. E parti ey no ta reconoce e peliger y ta djis bay te ora nan no mira algo. Esaki ta crea condicionnan manera psicopata, comportacion rebelde, soberbio.
Ta importante pa persona reconecta cu su parti interior y verifica kico ta cosnan cu ta haci fout. Door di no tin e reconocemento ey y no a pasa den situacionnan, e ta dificil pa nan reconoce. Hopi biaha e persona mes ta bisa di bay sali y no ta worry pa pega otro hende, e fase unda e ta nenga cu nada ta bay pas’e, ta pone cu e ta hacie. Si e no busca yudansa pasobra constantemente e ta den peliger, por ehempel ta gara hobennan den toque de queda pero nan ta sigui.
Si nan no reconoce esey, nan lo sigui sali pasobra ta den e estado di rebeldia. Di mira un mucha cu tin esey, splica nan riba e consecuencia cu e tin pa mayornan. Splica un mucha ta yuda cu proceso, pero un hoben ta mas dificil, el a indica.
Willems ta pensa cu tur hende sinta un rato y reflexiona kico ta e cosnan cu mester cambia. Ta tira problema riba gobierno y yen otro cos, pero tur cos ta cuminsa na un hende mes como ser humano.
Ta importante cu si e persona ta haci algo fout e mes cambia su strategia. “Haci e cambio di nos mes p’asina nos mes por tin e funcionamento,” el a bisa.
