E proyekto Ban Vèlt Bèk ta bai start próksimo lunanan na parti pariba i lo tuma luga dia 24 di ougùstùs na Stadion Odulio Willems na Suffisant.
Despues di a kuminsa na yanüari 2019 ku e proyekto na Banda Bou i a bishita barionan Barber, Soto, Lagun, Westpunt, Tera Korá i lastu na Willibrordus, coachnan Verda Betrian i Danaë Daal lo start bèk djasabra dia 24 di ougùstùs di 8:00-9:30 am na vèlt di Suffisant na Stadion Odulio Willems.
Manera e promé edishonnan e lo ta grátis pa tur mucha muhé di 6 pa 12 aña. Tin 25 luga pa e hobensitanan por registrá. Tambe coachnan ta sòru pa awa i fruta pa e hobensitanan durante treinen. Por jama na 5600709 of email [email protected] pa registrá òf mas informashon.
