Proyecto trey-merdia pa hobennan di scolnan secundario cu huiswerkbegeleiding

Den cooperacion cu Samenwerkende Fondsen Hulanda y CEDE Aruba ta posibel pa continua cu e proyecto “Centro di Educacion Creativo” (C.E.C.)

Esaki ta un proyecto trey-merdia pa hobennan studiante di scol secundario cu  ta duna Huiswerkbegeleiding: Nederlands, Engels, Spaans, Wiskunde, Rekenen, Economie, Natuurkunde y Scheikunde. Tin acceso na wifi, printer y computer, copier machine y tur materialnan cu tin disponible.

Tambe por haña les di Musica: Guitara, Cuarta, Baho, Drum, blokfluit, Canto, arte y sport.  E hoben tin oportunidad pa desaroya su abilidadnan. Nos ta un entidad cu ta asisti hobennan den nan formacion y desaroyo, escolar y musical. E proyecto aki ta 3 biaha pa siman dialuna, diaranson y diahuebs. Orario: 2:00–18:30. Full e pakete aki ta posibel na un prijs social.

Projectleider ta juffr. Verna Croes y Medewerker sra. Cathy Figaroa hunto cu un team di personanan boluntario, dynamico y professional.

Pa inscripcion  por pasa personalmente na nos oficina di Fundacion. Adres: Piedra Plat # 50. Of  tuma contacto via E-mail: [email protected]  Tel: 5855544 / 5687449 / 5834631.