Prostitushon ilegal ta tresiendo hopi riesgo di malesa

430

Resientemente nos ta mira un oumento di prostitushon ilegal ta tumando lugá riba kaya
den nos pais. Konsekuensia di esaki ta ku e ta trese malesanan veneriko i kiebro di
diferente famianan, tambe ta krea espasio pa trafikashon di ser nan humano.

Un problemaku Kòrsou a logra di kontrolá ku establesimentu di Campo Alegre nan aña 1949,ora nos
ta tin e problema di prostitushon den kaya nan di nos sentro di siudat e tempu nan aya pa
asina kombatié e problemátiko aki i ku awe nos mirando ta lanta kabes atrobe. Pa ningun
hende no ta deskonosí ku nos isla e último añanan a wòrdu asotá ku damanan for di
Venezuela ku ta buska un mihó biba den nos komunidat.Unda malesanan ta un menasa
grandi ya ku e damanan aki ta trese diferente malesanan i nan tambe ta wòrdu kontagiá
ku malesanan no deseá dor di aktonan di prostitushon ku tur konsekuensia ku esaki por
trese kuné, den nos komunidat i kas nan di famia.

A bira un fenómeno unda snèknan ta empleá e damanan di kual mayoria ta kedando di un
forma ilegal riba nos pais pa asina e bende “un trago” i algu mas miéntras asina yena e
saku di di doño di establesimentu riba lomba di dignidat di e damanan aki I bienestar di e
pueblo aki.
Resientemente e tim multidisiplinario di MEO ta tumando nota di un fenómeno nobo
unda ku doñonan di “restorantnan” ta usa esaki komo kapa i ta establesé klupnan
nokturno ku e damanan no dokumentá aki por ehersé nan trabou di prostitushon sin
ningun klase di kontrol , manera si ta e kaso di Campo Alegre, kaminda tin kontrol nan
regular di salu pa ku e damanan aki. Segun informashonnan ku mi a optené Campo
Alegre a nota un bahada drástiko di su klientenan ku ta bishita e sentro di prostitushon
aki.
Esaki ta un indikashon ku e situashon aki ta sumamente alarmante ya ku a bin sheft den
e mundu aki , unda ta preferá bai sitio nan ilegal kaminda no tin kontrol di salu pa ku e
damanan aki i pa un preis mas abou.
E oumento aki di damanan ku ta bini for di Venezuela pa prostituí na e diferente
establesimentu ta pone ku no tin mas espasio na baraknan di SDKK unda e damanan aki
ta warda pa nan deportashon pa nan pais despues nan wòrdu detené pa polis.
Na kuminsamentu di aña eks Minister di Hustisia sr Kid Martina a bishita Boneiru
kaminda a tuma nota di un posibel solushon pa ku e problemátiko aki di falta di espasio,
unda por usa kònteinernan spesial adaptá pa atendé ku e problema di eskases di espasio.
E situashon ta lamentabel pa nos pais, komo e Venezolano nan den e pais aki ku a bin
kontribuí positivamente na nos komunidat.

Den kuadro di e situashon alarmante aki mi ta hasi Minister di Hustisia sr. Q. Gigirorie ,
Minister di Ekonomia i Turismo sr.S.Martina i Minister di Salubridat sra.Camelia –
Romer e siguiente preguntanan aki:

Minister di Ekonomia i Turismo sr. S. Martina:
1. Kon ta atendé ku e kontrol riba e supuesto restorantnan aki ku ta keda transformá
den sentronan di prostitushon?

Minister di Hustisia ,sr.Q.Girigorie:
1. Kon ta bai atendé ku doño nan di establesimentu ku ta promové prostitushon
kometiendo akto nan kriminal dor di eksponé e pueblo di Kòrsou na malesanan i
stimulá tráfiko humano, konsientemente ?
2. Kon ta bai hasi ku e eskases di espasio den e baraknan ku e damanan no
dokumentá aki mester warda nan turno pa por wòrdu ekstraditá?
3. Kuantu venezolano a bishita nos pais e aña aki via di aeropuerto i kuantu di nan a
keda den nos pais?
4. Tin un plan pa atendé ku e venezolano nan ku ta drenta nos pais komo turista i ku
despues ta bira ilegal riba nos pais?
5. Kiko ta e kriterio nan ku un venezolano mester por kumpli kuné pa e por drenta
nos pais komo turista?
6. Ta bai hasi uso di e kontaktonan ku resientemente eks Minister Hustisia sr.
Martina a hasi na Boneiru pa ku kònteinernan aki , pa asina krea espasio na e
barak nan?

Minister di Salubridat i Medio Ambiente sra.Camelia-Romer:
1. Kon Ministerio di Salubridat Públiko, Medio Ambiente i Naturalesa  ta bai atende
ku malesanan ku prostitushon ilegal ta trese den nos komunidat?