dr. Edward Cheung ta traha na NASA y un biaha mas ta haciendo su soño bira realidad. Tres aña pasa tabata tin e celebracion di Apollo 11 cu cincuenta aña pasa Neil Armstrong a cana riba luna. Durante e celebracion el a haya sa cu Armstrong a laga algo atras riba luna pa corda su yiu muhe cu a fayece. Pronto santo di blanco di Aruba lo yega luna y tur esaki tin di haber danki na Cheung.
dr. Edward Cheung, ingeniero na NASA, a haya esey como algo special, pasobra e ta un privilegio cu solamente e astronautanan di Apollo so ta haci esey. El a lubida riba esey, pero na 2020 NASA a pidi su persona pa yuda un compania cu kier bay construi un serie di mision pa bay luna.
NASA ta interesa pa bay luna y e biaha aki kier trece compania comercial pa haci e trabou. Momento cu e tabata yudando pa traha e nave, el a haya su cu e por pone algo riba dje y e obheto ey lo keda na luna pa semper.
Cheung a splica cu esey a pone pensa y el a recorda loke e kier a haci varios aña pasa. E kier a haci manera Neil Armstrong y a dicidi di pone algo den e nave. El a splica cu e nave aki ta bay laga un robot baha riba luna y aki e ta bay explora mandando imagen bek. E nave ey, e robot, ta loke Cheung a yuda cu ne.
En conexion cu e proyecto aki, el a scoge algo di Aruba pa pone den dje y asina ey un parti di dje, di su famia ta na luna. Pero e kier a inclui algo di Aruba, p’esey el a dicidi di pone parti di beach. Esey ta loke e nave ta bay hiba, un cantidad di santo blanco chikito famoso di Aruba.
Pa mas lesa TREMPAN.COM.
