Pronto Adult & Teen Challenge Aruba ta habri un centro pa hende muhe

Adult & Teen Challenge ta un fundacion cu ta maneha un programa cu ta resorta bao di e entidad Global Teen Challenge Organisation, cu ta existi pa 60 aña caba. Ta enfoca den habri centronan rond mundo pa asina por yuda personanan cu cualkier problema di adiccion.

No solamente adiccion di droga y alcohol, pero tambe problemanan cu depresion, problemanan cu otro tipo di adiccion manera gambling, violencia domestico, abuso sexual, personanan cu pa un of otro motibo cu a cay den un situacion di bida of profundidad emocional, e programa, di duracion di 1 aña, ta yuda nan lanta bek y para firme como persona y asina nan por funciona bek den comunidad.

Pronto Adult & Teen Challenge Aruba ta habri un centro pa hende muhe

Pronto Adult & Teen Challenge Aruba ta habri un centro pa hende muhe

Posted by 24ora on Monday, April 8, 2019

Segun Ivone Simon, presidente di e Fundacion Adults & Teen Challenge pa Aruba, na e momento aki tin un men centrum pa e programa di adult & teen challenge. Ta habriendo pronto e aña aki ainda e women’s centrum, esta e centro cu lo bay maneha e programa specialmente pa hende muhe.

Tambe pa por haci esaki posibel, e global organisation, su forma di traha pa trece fondonan aden, ta percura pa habri negoshinan cu ta cay bao di e fundacion y asina percura pa medio di bende producto of bende servicionan, unda cu e mes studiantenan lo ta trahando tambe y siñando e parti vocacional, lo bay traha den e tienda of duna servicionan.

Tur e fondonan cu drenta den esaki, ta pa inverti bek den fundacion, pa asina por yuda sostene e fundacion financieramente.

E organisacion mundialmente ta sostenibel propiamente pa no depende financieramente di organisacionnan. Esey ta hopi importante pa por garantisa continuidad di e proyectonan. Esey ta algo cu di berdad ta un “must”.

Na e momentonan aki ta bezig cu e prome tienda, e Charity Store di Adults & Teen Challenge Foundation, cual lo yama Super Trift Store, cu ta bay ta den e localidad net banda di Birkenstock Store riba LG Smith Boulevard.

Ey lo tin un tienda, cual ta pa Juni, cu a logra danki na e ekipo di Oklahoma, cu a adopta full e proyecto di hende muhe y tambe e tienda sostenibel. E lo bay haci un impacto. Na momento di logra trece fondonan aden, door cu comunidad ta bay haci shopping den e tienda, pero tambe e parti cu bo ta bay yuda personanan cu kier drenta bek den comunidad pa prepara nan pa nan por traha y logra bay bek busca un otro trabao despues cu siña nan bek con pa traha den e tiendanan tambe.

Lo bay informa di esey mas despues. No lo por a logra esaki sin e bendicion di e team di Oklahoma. E parti bunita di e organisacion ta, cu tin mas di 1300 centro rond mundo y cu e mesun programa den 125 pais. Esey ta haci e ora cu na momento cu no tin persona pa yuda, ta yama cualkier di e paisnan aki, cual ta Global Teen Challenge Organisation, ta pidi nan yudansa. Te na e momento aki tin Team Oklahoma cu a adopta e Women’s Center na Aruba, pero tambe tin Team Uruguay cu a bin pa yuda cu e Men’s Center.

Comments

comments