Den un evento ameno na auditorium di J.FK., Altocomisario di Polis, Ramon Arnhem a haci entrega di decreto gubernamental, hubilario y reconocimento na agentenan policial y personal administrativo. Altocomisario Arnhem a cambia rango di un agente policial extra-ordinario cu durante su trabou como polis a haya un accidente pisa y cu t’e ainda e ta recuperando di su salud. Ta trata aki di polis A. Croes. Un polis cu maske tur e retonan cu el a wordo confronta cu ne, a keda positivo y sigui brinda Aruba cu su servicio sin igual. Cu su pasion y determinacion, ta mira cu e tin e curason di polis pa maske con dificil e circunstancianan por ta, el a sigui padilanti. A promove Polis Croes di e rango Brigadier eerste klasse pa Hoofdagent.
Den Cuerpo Policial tambe tin e personal administrativo cu a ricibi nan promocion. Sra. W. Jacobs-Geerman, un persona dedica cu a sigui preservera pa yuda tur agente policial. Dunando tur personal den KPA e sosten y apoyo maske circunstancianan a presenta pa su mes persona pero esey no a kita su gana pa sigui sirbi. Su motivacion y positivismo ta sin igual y Cuerpo Policial ta yam’e danki y ta super orguyoso di dje.
Tambe altocomisario a haci entrega di decreto gubernamental pa dos polis cu a cumpli 25 aña den Cuerpo Policial. Ta trata aki di R. Jansen y R. Ridderstaat. Binticinco aña di hopi experiencia, dedicacion y respet pa e organisacion policial.
A promove señora P. Perez-Henriquez, un personal administrativo, di klerk eerste klasse pa Hoofdklerk.
Un grupo grandi di polis awor ta haya mas responsabilidad y a promove nan for di brigadier eerste klasse pa Hoofdagent. Nan ta Y. Peña, D. Visser-Boekhoudt, A. Harms, L. Croes, A. Geerman, J. Petrona, A. Angela y M. Illes. A promove G. Geerman y E. Maduro di Hoofdagent pa Hoofdagent eerste klasse. Tambe a promove J. Tromp, S. Kock, R. Dirks y F. Van Der Linde for di Onderinspecteur pa Onderinspecteur eerste klasse.
Masha pabien na e grupo grandi di polis cu a haya nan reconocimento y decreto gubernamental. Alabes masha pabien na e hubilarionan cu a yega 25 aña den servicio di Cuerpo Policial Aruba. Sigur boso famia tambe mester ta orguyoso di boso cu e bunita trayectoria largo den e organisacion policial. Masha pabien!
