Awe ta un dia di celebra pa e doñonan di kiosco, comerciantenan cu sigur pa basta tempo tabata bendenan souvernirnan den kiosconan di palo, a haya e prome yabinan di e diferente kiosconan cu a wordo construi den area di waf. Riba e graficonan por tuma nota di e alegria cu a reina cerca nan cu por fin, nan tin algo permanente caminda cu turistanan cu ta bishita nos isla, sea via barco of cu ta bin cu avion, por pasa cerca nan den tur trankilidad. No solamente esaki ta brinda un siguridad, pero tambe ta un bista hopi bunita y representabel, mustrando cu e calidad di bida sigur a progresa pa e comerciantenan aki.
