Prome reunion a bay super bon y tur desicionnan a wordo tuma

705

Comision Organisador di SV Royal Power ta esnan encarga pa organisa Copa Noord 2020 e aña aki. Copa Noord tur aña ta wordo organisa pa un ekipo miembro. Na 2018 Tankileendert Giants a organisa Copa Noord unda Royal Power a titula campeon mientras na 2019 a toka turno na  Kudawecha Redskins como organisador di Copa Noord unda Calabas Blue Jays a titula campeon. Den aña 2020 a toka turno bek na Royal Power Tat Fat Home Depot como organisador.

Ultimo aña cu Royal Power a organisa Copa Noord tabata na aña 2012 esta 8 aña pasa. Diamars 11 di Februari e ekiponan miembro a bini hunto pa reuni riba Copa Noord 2020. Un total di 8 ekipo lo partidipa den Copa Noord 2020 en espera di confirmacion di un ekipo mas.Inscripcion ta sera fin di Februari y no lo agrega ekipo despues di e fecha aki. E ekipo di Boroncana y Sero Pela y vicindario esta  Salbabo ta regresa den Copa Noord 2020 y CBN Eagles esta un team di hobenan di 18 aña di Centro di Bario Noord a inscribi nan ekipo pa asina competi den Copa Noord 2020.

Ekiponan a escohe pa hunga modified systema “chata” como pitcheo oficial di Copa Noord 2020 mientras a yega na acuerdo cu cada ekipo por usa nan propio batenan pero maximo 4 bate pa ekipo cualnan lo wordo controla pa organisadonan y lo wordo gesticker. Como reglamento di cas a stipula cu no lo permitio batenan Miken y Z1000 ni Z 2000. Atletanan ta inverti y ta gusta usa nan propio material basta tur ta cumpli cu reglamento y battinglist WBSC. (World Baseball and Softball Confederation).

Ultimo diabierna di luna di mei of prome diabierna di luna di juni e torneo Copa Noord lo inicia cual lo wordo anucia pronto y lo termina diadomingo 28 di juni mientras Champ of the Champs ta porgrama pa ranca sali dialuna 29 di juni. Balanan aproba den e reunion pa Copa Noord ta bala HEINEKEN “cor” 47 cual lo wordo usa. Alabes a stipula e fecha ultimo pa entrega lista di Copa Noord ta 30 di April durante apertura di campeonato oficial di ASB na veld di Dragon Hitters ( Duracell).

Pa prome biaha den historia lo hunga e playoff di Copa Noord estilo page system cual sala unanime a aproba. Pues Copa Noord ta den pleno preparacion y ta pidi ekiponan pa nan prepara pa hunto nos celebra un Copa Noord 2020 den gran forma.