Sero Biento Boys ta organisando e prome Rauly Hernandez Memorial Bike Ride. Derwin Hernandez, presidente di e organisacion, a splica cu e bike Ride aki lo tuma luga dia 25, 27, 28 y 29 di september. Ta haci e Ride aki door cu nan ruman a fayece na december y mirando cu na september e ta haci aña, ta organisa e evento aki.

 

Kico e ta encera

Lo cuminsa diaranson, dia 25, ora cu tin inscripcion na Jossy Motors. Diabierna lo bay tin Biker’s Night na Jo-Ann Bar. Diasabra ta sali pa 8’or di anochi cu un Bike Ride core parti west di Aruba y lo cab’e na Long Island. Diadomingo pa 11’or di mainta, ta sali for di Jossy Motors, lo core rond di Aruba y ta cab’e na Jo-Ann Bar.

Prome Rauly Hernandez Memorial Bike Ride lo ta e ultimo fin di siman di september

Prome Rauly Hernandez Memorial Bike Ride lo ta e ultimo fin di siman di september. Click e link pa mas https://24ora.tv/2mrHTbn

Posted by 24ora on Thursday, September 19, 2019

Pa participa

E costo lo ta 50 florin cu ta encera un tas, un flanel, un pin, cuminda, desayuno y co’i bebe. Por tuma contacto cu Derwin Hernandez na 7346757 of ta warda tur hende diaranson awo pa 6’or y mey na Jossy Motors.

Cuanto hende

Sero Biento Boyz ta consisti di 20 miembro. Awo tambe esey ta un meta di nan cu kier haci e grupo mas grandi.
Siguridad den trafico

Na Aruba ta un tiki peligroso pa core brommer. E grupo tin hopi aña di experiencia cu brommer. Nan ta core hopi consciente. No sa unda e mala suerte ta, pero ta keda na e persona cu ta core brommer, cu ora yega na un crusada, slow. Auto por sali. Mester core mas consciente tambe.
Naturalmente durante e Bike Ride aki, tur hende cu participa, ta pidi pa bisti nan helm. Esey ta un regla cu sigur tin. Tur hende mester tin helm, sino no mag di ta den e Bike Ride.

Comments

comments