Prome Ministernan Eugene Rhuggenaath y Evelyn Wever-Croes ta na St. Maarten, unda lo forma parti di e “Caribbean OCT’s Resillience Summit”, di cual nan colega Prome Minister di St. Maarten, Leona Marlin-Romeo, ta anfitrion. Durante e conferencia aki ta enfatisa riba cooperacion entre e paisnan den Caribe y Ultramar (LGO’s) cu Union Europeo.
Den cuadro di e di 11 Fondo di Desaroyo Europeo, Union Europeo ta otorga 40 miyon Euro na LGOnan Caribense. Meta ta pa den e proximo 4 añanan fomenta cooperacion regional riba tereno di energia duradero y biodiversidad marino, pero tambe pa soluciona problemanan y reforsa resiliencia.
E prome mandatarionan lo enforsa e documentonan di programa y e acuerdo pa financiamento awe cu nan firma.
Apesar di e Brexit, lidernan di e LGOnan Britanico, tambe a participa na e conferencia. Despues di Maart 2019 nan lo perde nan status di LGO.
