Prome Ministernan hunto na Nacionnan Uni

Reino Hulandes a presenta cu un delegacion pisa na apertura di e Asamblea General di Nacionnan Uni na New York awe diamars. Prome Minister di Aruba, mr. Evelyn Wever-Croes, tabatin e honor di sinta hunto cu su homologo Hulandes, Mark Rutte y e Minister di Reino di Asuntonan Exterior, Stef Blok, den e prome fila. Den e di dos fila a mira Prome Minister di St. Maarten, Leona Marlin-Romeo y e Ministernan Ank Bijleveld y Sigrid Kaag.

Evelyn Wever-Croes, Marlin-Romeo y Ank Bijleveld tambe tabata anfitrion diamars di un discusion cu panelnan riba halto nivel y oradornan principal riba con ta fortalece cooperacion pa siguridad maritimo den Caribe.

Un di e iniciadonan tabata Comandante di Marina Real den Caribe, Brigade-Generaal Peter Jan de Vin.