Prome ministernan di Corsou y Aruba lo trata sancionnan riba petroleo na Washington

Minister presidente di tanto Aruba como Corsou, Evelyn Wever-Croes y Eugene Rugghenaath, a cuminsa cu un bishita di dos dia, esta dialuna y diamars, pa asina papia entre otro riba e impacto cu e sancionnan Mericano contra Venezuela riba e sector energetico tin riba tanto Aruba como Corsou.

E bishita aki ta wordo facilita door di e embahada di Reino na Washington y e prome ministernan ta wordo atendi pa embahador Henne Schuwer. Ta bay tin reunionnan programa cu State Department, Treasury Department y e Oficina di Asuntonan Exterior (OFAC).

E ultimo aki ta responsabel pa e maneho di e sancionnan emiti, a otorga un licencia special pa proteha Corsou. Gabinete Rhuggenaath a traha pa un aña largo intensivamente cu e diverso departamentonan pa asina logra haya e licencia aki pa e companianan estatal Curoil, CRU y Refineria di Korsou. Cu esaki un obstaculo importante a wordo remivo pa asina e refineria por bolbe cuminsa traha, pero ainda tin cierto incertidumbre riba e condicionnan. Esey ta loke e prome minister di por pone un banda na Washington. E delegacion tambe lo papia cu miembronan di congreso y representantenan di entre otro e Organisacion di Estadonan Americano (OEA), World Bank y US Chamber of Commerce.