Prome Minister Wever lo topa Papa di Roma e siman aki

Premier Evelyn Wever-Croes a ricibi invitacion di Vaticano pa un audiencia cu Papa di Roma. E invitacion original a wordo haci na juli aña pasa momento cu Nuncio di Vaticano a bishita Premier Wever-Croes y a invita Prome Minister di Aruba pa bishita Vaticano. Recientemente el a acepta e invitacion y a combin’e cu su biahe pa Estonia y Hulanda.

Siman pasa a drenta e confirmacion cu e audiencia priva di nos Premier y Papa di Roma, lo tuma luga diaranson awor, 29 di mei. E prome mandatario di nos pais ta consider’e un honor grandi pa representa henter nos pais, y mas cu claro un bendicion grandi pa Aruba.