Prome Minister Evelyn Wever Croes, na su salida di un reunion cu Comision Asuntonan di Reino di Tweede Kamer, a bisa cu el a keda satisfecho cu resultado di e reunion. “Semper cu mi bay Hulanda mi ta trata di topa cu Tweede Kamer pa duna un update di e situacion na Aruba, entre otro e aspecto di finanza.” E mandatario a bisa cu el a duna e bon noticia cu otro aña pa prome biaha Aruba lo tin un surplus riba su presupuesto.


Tambe a papia riba e “aanwijzing” cu ta riba mesa di reunion diabierna awo y a informa e comision cu Aruba ta kere cu e “aanwijzing” aki no ta su luga, mirando cu otro aña pa prome biaha tin un surplus. Loke el a tende, segun e mandatario ta cu tin desconfiansa pa motibo cu durante e Gobierno anterior , durante 8 aña largo, nan no a mantene nan mes na palabracionnan. “Atrobe nan a trece esaki dilanti, cu tur esey ta causa desconfiansa. Y cu riba esey nos tin hopi trabou pa bay haci. Nos a bisa nan cu nos ta un Gobierno nobo, pero e contesta cu nan ta haya cu Gobernacion ta continuidad. Demasiado tempo nan a kere den cifranan di e Gobierno anterior cu no a bira realidad. 

Prome Minister Wever Croes a bisa Tweede Kamer cu “aanwijzing” no ta na su luga

Prome Minister Wever Croes a bisa Tweede Kamer cu “aanwijzing” no ta na su luga. Click e link pa mas https://24ora.tv/2Qy87Wy

Posted by 24ora on Wednesday, November 20, 2019

Mi tabata sa di esey y mi ta un poco decepciona di keda scucha esaki cada biaha di nobo. Pero nos tin cu biba cu esey.”
Den otro temanan trata ta e crisis di Venezuela y e impacto cu esaki tin riba Aruba y a sinti cu nan tin hopi admiracion pa e forma con Aruba ta atende cu e crisis di Venezuela na Aruba. A duna update di e refineria y a splica cu tin hopi interes den e instalacionnan aki. No por falta e tema di integridad,  y cu den cuadro di esaki ta kedando cla cu e ley di Ombudsman. Esaki ta importante mirando cu Aruba ta unico den Reino cu no tin esaki. Na ultimo nan a gradici Aruba pa e transparencia den e informacion duna.

Comments

comments