“Un mucha di 5 aña a muri despues di maltrato. Mi ta den shock. Mi ta puntra mi mes kico nos por a haci pa preveni esaki?”, asina Prome Minister mr. Evelyn Wever-Croes ta puntra. Mas leu e ta puntra su mes “Dicon nos no a actua prome”.

E prome mandatario di nos pais a sigura cu e ta den contacto cu Minister di Husticia y Minister di Asuntonan Social, pasobra e caso aki tin su atencion.

“Ban nos tur como comunidad actua pa evita casonan lamentable asina. Ban stop abuso di mucha”, asina Minister Presidente a pidi.

Como posibel solucion, e ta visiona cu mester bin “Castigo mas halto, actuacion mas rapido di autoridad, brinda muchanan cu ta wordo abusa mas proteccion”.

Na final Premier Wever-Croes ta pidi “Y cada un di nos tambe por yuda den esaki: Abuso di mucha NO ta bon!”.

Comments

comments