CAFT ta menciona den un rapport cu ta mira te cu 2020 y ora e reforma fiscal ta cla, den por lo menos 2 aña e por ta vigente. Prome Minister Evelyn Wever-Croes a splica cu tocante e Crisis heffing, ta uno temporal y lo bay ta na vigor tanten cu no yega na e reforma fiscal.
A cuminsa traha rib dje caba. Pa fin di e aña aki por tin e reforma fiscal cla y e ora e crisis heffing ta pasa pa pasado.
E minister no por duna un garantia cu e lo keda cla pa fin di e aña aki pasobra tin cierto cosnan cu ta tuma mas tempo den gobierno pa bo logra. E ora por ta y ta tene cuenta, cu tal bes e reforma fiscal por keda fin di otro aña y e crisis heffing lo mester keda existi te otro aña. Esey ta e ponencia di Gobierno. Te ainda tur decision tuma riba e tereno financiero ta decisionnan cu Gobierno di Aruba a tuma y cu ta carga y esey ta e plan. Ta elimina e crisis heffing na e momento cu bay na e reforma fiscal.
E mandatario a lesa tambe loke CFT a bisa. Nan no tin ningun autoridad pa papia despues di 2018. Segun ley di LAFT, CAFT su autoridad ta caba na 2018 pa duna conseho riba e presupuesto. Nan a bisa esey mas bien como nan comentario of idea, pero no ta algo cu awor aki ta un instruccion pa traha y haci algo. E no ta un recomendacion. CFT duna recomendacion tin cu tum’e na serio, vooral pa e aña aki, pasobra nan tin e autoridad legal pa haci’e. Esaki ta un comentario cu nan a haci y cu e prome minister ta puntra su mes, cu por ta tin e hecho cu nan no a compronde e plan financiero. Idea ta cu awor aki cu Aruba tin un sistema di belasting anticua. E crisis heffing ta bin riba dje.
Ta bay cambia e sistema anticua aki, incluyendo crisis heffing, den un sistema moderno y husto. Den e traspaso eynan, e ora e crisisheffing ta stop di existi, cu excepcion cu e parti cu ta trata si e PPP projecten. Tin algun aña ainda pa bay, pero esey ta maneho di gobierno, nan decision y vision. CFT, una bes cu mira kico ta e cla, una bes cu e reforma ta cla, nan no por bay bisa e ora cu nan kier pa e crisisheffing keda riba e reforma. E reforma ta inclui un cambio completo den nos sistema, e ora e crisisheffing ta stop di existi.
