Prome Minister Evelyn Wever-Croes a tene un audiencia semanal cu Gobernador. Te na e momentonan aki e mandatario no a sinta cu Minister Marisol Lopez-Tromp. El a pidi un reunion cu Lopez-Tromp pero no a ricibi niun reaccion ainda. No por warda mas p’e reunion tuma luga y cana e caminda cu mester pa atende e situacion cu a surgi siman pasa den Parlamento.
Tin un mocion cu a pasa den Parlamento, un situacion di legalidad of ilegalidad. Realidad e ta un situacion cu no por ignora. Tin un minister cu no ta conta cu confiansa di mayoria miembro di coalicion. E minister no ta conta cu Parlamento, pasobra no a keda niun miembro di Parlamento cu a bisa di tin confiansa den dje, pero tambe e situacin cu e no ta funciona den Conseho di Minister. Na e momentonan aki tin e crisis cu mester atende cu ne y no por perde tempo cu cosnan aki. E mandatario a bisa cu e lo insisti cu Lopez-Tromp pa un reunion.
Prome Minister a indica di a tende rumornan di metemento di parti e mandatario den departamento di infrastructura pa loke ta tereno, hinca hende. P’esey e mes lo bay laga haci un investigacion, pasobra a haci un palabracion cu no ta hinca yen hende den gobierno. P’e situacion di piscadonan, segun Croes, den Conseho di Minister a pidi pa pone un area p’e piscadonan por haci nan trabou. E mandatario a expresa cu e tin di papia prome cu Lopez-Tromp, pa despues e bay sinta den conseho di minister.
