Nos ta den temporada di campaña. Eleccion ta den porta. Awo tin diferente debate. Tin biaha ta sinti cu tin cierto nivel di debate caminda cu no solamente mester tey, etc. Prome Minister Mike Eman, a splica cu nan lo ta na e debate di Camara di Comercio. Loke ta informa tur esnan cu ta organisa debate, tin hopi radio ta organisa debate.
Tin hopi instancia ta organisa debate, cu partido AVP tin un ekipo completo di personanan specialisa den un cantidad di tereno y ora cu tin debatenan, ta discuti internamente den partido y ta scoge e persona cu ta kere cu ta e persona cu sigur sigur riba e temanan ey ta e persona cu lo kier pa presenta e cara di partido. Na momento cu tabata tin un debate riba Millenium, un debate di hobennan, tabata kier pa tin un hoben ta representa e partido. No por bisa cu nos hobennan ta e futuro di pais cu nos hobennan tin hopi talento, tin hopi potencial y ora cu tin un debate ta bisa cu no lo kier un hoben representa un organisacion politico, pasobra lo pensa cu e hoben lo no tin e capacidad pa haci esey. Den partido AVP, ora cu atrae personanan, ta kere cu nan tin e capacidad pa carga cierto temanan y pa e motibo ey tambe kier duna cada un di nan e oportunidad pa por representa partido na e diferente, tin biaha debate, tin biaha combersacionnan, dialogo, cada medio di comunicacion tin un otro acercamento pa esaki. Pero si no por acepta cu ningun instancia ta pone pa nan ken ta representa partido na ningun tipo di dialogo. Si e ta dialogo specificamente riba un tereno di husticia, lo kier pa e persona cu ta encarga cu husticia of otro persona den partido cu a tuma e tema di husticia como un tema cu el a specialisa su mes aden. Si ta turismo, si ta economia, si ta asunto di imigracion.
Por ehempel kier pa minister Sevinger ta e persona pa representa AVP den e temanan ey y no ta kere cu e organisacion cu ta organisa e debate ta esun cu ta determina pa e organisacion ken ta e persona pa representa e partido na e debate di Camara di Comercio, desde inicio nan a bisa cu nan lo tin dos. Nan a haci e compromiso cu na tur dos prome minister lo ta presente. Ta debate di temanan na nivel nacional di pais Aruba. No ta un tema so e ta, of pa un target group manera esun di millenials. E ta un debate nacional pa tur tema y pa henter e pais. Pa esey tambe prome minister a pone su mes disponibel na e debate y e lo tey y cu placer, mescos cu a haci esun prome. Pasobra AvP ta orguyoso di e trabao cu nan a haci y ta hopi pasiona pa sigui carga e trabao aki pa futuro, segun prome minister.
