Prome Minister di St. Maarten, Silveria Jacobs, a declara estado di emergencia p’e parti Zuid di e pais. Gobernador Eguene Holiday y Prome Minister Jacobs a firma e decreto nacional.
E lockdown lo bin na vigor di biaha awe marduga pa 12:00AM.
E mandatario a bisa cu e pais no tin otro opcion pero declara un estado di emergencia y a institui un toque de queda di 24 ora pa 2 siman. Tambe a bisa e personanan cu excepcion pa toque de queda mester tin un “Disaster Pass” of un carta di Altocomisario Carl John. E detayenan pa haya esaki lo ta anuncia diadomingo 5 di April durante un conferencia di prensa unda Prefet Sylvie Feucher lo ta presente.
Personanan cu lo tin un excepcion ta scogi of apunta ta representantenan di Gobierno, nan chauffeurnan y oto siguridad, Gobernador Holiday hunto cu su chauffeur y siguridad, personal medico, botica cu ta habri basa riba schedule pa diadomingo y dianan festivo, compania di siguridad, companianan di piki sushi, waf y servicio di carga inclui FEDEX y DHL, personal di media. Tambe lo tin 2 pumpstation habri pa duna servicio na autonan di emergencia, compania di cuminda por haci entrega pa entrega cuminda na luganan di emergencia y domestico, mientras algun clinica manera djentista por habri pa servicio di emergencia.
Panaderia, supermercadonan tambe lo habri pa haci entrega, pa loke ta actividadnan social, lo tuma un decision si lo laga hendenan cu no tin pa stock durante henter e periode. Jacobs a bisa cu Gobierno ta trahando pa laga residentenan haci compras na supermercadonan cerca di cas, pero esey ta depende riba comportacion di e hendenan durante e lcokdown mandatorio. Personanan cu tin miembro di famia grandi na e banda Hulandes y tin cu hiba cuminda pa nan tur dia, lo mester obtene un pass special di Altocomisario Carl John.
Gobierno a avisa e comunidad pa prepara pa un lockdown y pa 2 siman. Jacobs a sigui bisa cu e personanan ey cu no por of no tin nada pa por stock nan mes, pa tuma contacto cu departamento di asuntonan social desde diasabra cu nan cuminsa parti cahanan di cuminda. E mandatario ta urgi personanan cu no por a stock pa contacta gobierno ya cu nan ta haciendo tur loke por pa acomoda esnan vulnerabel. Dunado di trabou cu ta forsando su trahadonan pa traha lo haya un sancion ya cu tin un email adres y number di telefon pa keha e dunadonan di trabou. Nan por haya e informacionnan riba e website di gobierno y Facebook page.
Altocomisario Carl John a bisa cu militar a yega St. Maarten pa asisti cu e controlnan y sigura cu ta respeta e lockdown. Segun e altocomisario, esnan cu scoge pa kibra e medidanan aki tin e riesgo di keda cera y awo polis tin e poder via e decreto nacional pa drenta propiedadnan. John ta pidi e miembronan di comunidad pa respeta e ley y pa keda nan cas como cu esaki ta necesario pa bringa COVID-19.
Misanan no por tin servicionan of encuentronan, residentenan tampoco no por ta trip riba caya of tin eventonan social. Por haya e decreto di e Estado di Emergencia den National Gazette y tambe riba e Facebook page di gobierno. Prome Minister Silveria Jacobs a bisa cu lockdown di pais ta absolutamente necesario pa “flatten the curve” di e pandemia COVID-19. El a bisa cu numbernan ta subiendo tur dia mientras cu St. Maarten ya caba tin 4 morto di COVID-19, cual e mas jong ta di 47 aña y e mas grandi di 69 aña.
