Un prome mandatario di un pais mester ta sincero cu pueblo pero tambe cu prensa. Den un conferencia recien a scucha con prome minister ta contesta pregunta di prensa. Un di e preguntanan tabata dirigi riba e frontera entre Aruba cu Venezuela pa Aruba Airlines y tambe W Aviation. Prome minister a menciona cu e frontera ta keda cera mientras cu Aruba Airlines y tambe W Aviation a haya un carta cu ta habri e frontera bou reglanan y palabracionnan haci.
E carta aki ta un decision di conseho di ministro. Awor den un conferencia segun prome minister Evelyn Croes e no sa di ningun carta. Esaki si ta un mentira den cara di prensa y pueblo.
Su secretaris di Ministerraad ta firma e carta den nomber di henter conseho di minister y prome minister no sa di nada? Den e chatgroup di e ministernan e prome mandatario tabata volg full e combersacion na Aruba y pafo di Aruba y con coleganan tabata di acuerdo pa habri bou palabracionnan estricto e frontera. Mayoria a bay di acuerdo.
Tabata papia di vuelonan di transito pa Miami cu Aruba Airlines y tambe vuelonan priva di Venezuela pa Aruba na aeropuerto priva. Awor ta con por ta posibel cu henter conseho minister a dicidi y comenta pero prome minister ta bisa cu e no sa di nada. Awe nos ta pone e prueba pa asina mustra e pueblo cu prome minister ta gewoon engaña prensa den conferencia ora di haci pregunta.
