Prome Minister celebrando dia di Boneiro

Minister Presidente di Aruba, mr. Evelyn Wever-Croes ta na Boneiro pa celebracion di dia nacional di Boneiro. Awe nochi durante un recepcion na cas di gezaghebber Edison Rijna, a celebra hunto cu dignatarionan di Boneiro y Hulanda, estrechando lasonan entre islanan ruman.

Anualmente ta celebra Dia di Boneiro riba dia 6 di september. E ta un dia oficial liber, den cual ta celebra e hecho cu riba e dia aki Alonso de Ojeda y Amerigo Verspucci a descubri e isla.

E celebracion mes ta start mañan diahuebs for di 8:00am na Passangrahan y desde 9:00am te cu 1:00pm lo tuma luga e parti oficial riba Wilhelminaplein. Pa 2:00pm e fiesta lo sigui den Parke Lalan Clarenda na Nikiboko.