Venezuela a impone un blokade riba trafico aereo y maritimo cu Aruba. Den un protocol cu
Hulanda a firma na Venezuela, cu lo tin gruponan di trabao cu lo reuni pa fiha e rekisitonan
necesario pa e trafico bek ilimita. Te ainda e gruponan di trabao aki no a bin hunto.
Aruba si a reuni mesora. E departamentonan a traha e puntonan di negociacion y deliberacion y ta wardando riba e prome señal cu ta bin di Corsou y di Venezuela pa e gruponan di trabao bin hunto. Mientras tanto naturalmente no por bisa cu e trafico maritimo ta bek na normalidad, pasobra no tin palabracionnan haci. Trafico aereo ta normalisando. E aerolineanan cu tabata bula caba, sigui bula y awor aki e aerolineanan a stop di bula pa motibo di esaki, ta buscando manera pa habri e liñanan atrobe. Pa loke ta trafico maritimo no tin palabracion ainda cu Venezuela, kico ta e documentonan cu Venezuela kier pa controla. Certificadonan di origen y declaracionnan cu ta mustra cu e botonan aki ta botonan cu ta autorisa pa haci transporte. Ta wardando riba esey. E reunion aki, di comision di Mesas de Trabajo, por tuma luga ki ora cu ta. Aruba ta prepara y cla p’e. Y una bes esey ta asina, lo duna informacion kico ta e rekisito y e condicionnan nobo cu ta conta den e fase aki, for di awo padilanti.
