Aruba a cera frontera cu Venezuela

Den un publicacion riba Facebook, prome minister Evelyn Wever-Croes a firma e decreto pa cera frontera entre Aruba y Venezuela.

Esaki ta mirando e situacion di crisis sin precedente cu e pais bisiña ta pasando den dje cu un aumento di migracion cu por tin efectonan pa loke ta orden publico y siguridad di Aruba, den interes general, a decreta cu Aruba ta cera frontera cu Venezuela.

E prome minister a sigui anuncia cu a tuma nota mas tempran di e declaracion di e vice presidente di Venezuela, nan a dicidi pa habri e frontera cu Aruba.
Mirando e situacion di crisis cu Venezuela ta pasando aden cu aumento grandi di migracion cu por tin efectonan pa loke ta orden publico di siguridad di Aruba, den interes general, Aruba a decreta cu lo cera frontera cu Venezuela pa un periodo di un luna. Notificacion a bay pa tur autoridad envolvi.
E situacion ta keda mesun cos. Avion ni boto no por bin for di Venezuela mientras cu ta tuma tempo pa aclarea e situacion cu nos ta aden.
Ta pidi tur hende pa keda trankil. Ta manehando e situacion lo informa comunidad si tin cambio den e situacion.