Un seleccion di Aruba cu a biaha pa Guatemala pa participa den competencia di Bowling ya caba a duna resultado riba e prome dia.
Aruba a bin ta creando un nomber riba e tereno aki na momento cu Kamilah Dammers a gana diferente competencia lagando nomber di Aruba resona. Aworaki tin un delegacion participando den Campeonato Centro Americano Juvenil de Bowling na Guatemala, cu a cuminsa awe dialuna, 11 di november.
Riba e prome dia e hoben Arubiano Xanthe Lobbrecht ya subi podium pa ricibi su medaya di brons. Lobbrecht a participa den seccion individual sub16, contra delegacion di paisnan manera Colombia, Rep. Dominicana, Costa Rica, Puerto Rico y Guatemala. E prome dos puestonan a bay pa representantenandi Colombia. E competencia aki ta finalisa dia 15 di november, 2019.
