E prome haring di e temporada 2022 a keda presenta na Gregory Milliard, un bringado local di MMA y tambe na Fabian Latinga, director di operacion di Aruba Wine and Dine. Esaki a tuma luga diabierna ultimo, dia 17 di juni.
Ambos cabayero a bisa cu e haring tabata “fresco, gordo y dushi.” E haring ‘happen’, un evento tradicional, a tuma luga na e cas di e Hulandesnan, Cafe the Plaza. ‘Hollandse Nieuwe’ ta contene un porcentahe di vet di entre 21 cu 23 porciento y ta di excelente calidad. Un poco mas laat den luna di juni, haring lo yega su maximo di 26 porciento.
Dimes, haring mester com’e curo, sin siboyo corta of pickles (un variedad di Amsterdam). Asina lo percibi e sabor di e haring claramente mientras e pisca ta slip bay abou den bo garganta, hopi dushi y yen di sabor.
Entrante awo, e piscamento di haring ta altamente recomendabel pa tur amante di haring.
