Awe 9:00am a start e torneo mas anticipa den e deporte di Beach Tennis di henter mundo, esta Aruba Beach Tennis Open 2018 (ABTO2018). A nota un Eagle Beach completamente transforma, cu 38 veld caminda hungadonan den categoria Singles a cuminsa cu nan prome rond.
E weganan lo continua diamars den dia, for di 9:00am y lo termina anochi cu e gran final. Ta invita comunidad henter, pero amantenan di Beach Tennis en particular, pa bishita Eagle Beach pa por sigui e weganan di cerca.
E hungado di Aruba, Aksel, a logra pasa pa “quarter finals“, cu lo hunga mañan atardi. Diamars tambe lo cuminsa e Junior Tournament cu lo inicia atardi.
E resto di e programa pa e siman nos dilanti:
- Diaranson 14 november – Mix Doubles & Junior Tournament / 09:00 – 22:00
- Diahuebs 15 november – Nations Cup & Team Cup / 09:00 – 22:00
- Diabierna 16 november – Doubles Tournament / 09:00 – 22:00
- Diasabra 17 novomber – Doubles Tournament / 09:00 – 22:00
- Diadomingo 18 november – Finals Doubles Tournaments
