Prome detencion di Toque de Queda ta na Paradera

3206

Tabata alrededor di 10:00pm cu un patruya di Polis a nota un auto coriendo straño riba e caminda di Piedra Plat yegando e rotonde di Paradera. A para e auto marca Ford modelo Explorer, color preto, numera A-76294. Den dje a topa dos homber, cu no por a identifica nan mes y tampoco ta den posicion di un permiso pa por ta riba caya durante Toque de Queda.

No a keda nada otro cu detene ambos pa motibo di violacion di e ley di TdQ. Pero riba dje, papelnan di e auto no ta na ordo y nan no por a prueba cu nan tin un rijbewijs valido tampoco. Cu transporte special a hiba nan ward’i polis pa por duna cuenta.

Prome detencion den Toque de Queda….ta na Paradera! No lubida: Entre 10:00pm pa 5:00am ta PROHIBI pa ta riba caminda publico.

Posted by 24ora on Saturday, September 19, 2020