Prome Curso Horticultura a cuminsa na Santa Rosa

398

E interes den cursonan di Agricultura y Horticultura ta sigui. Esaki ta e prome curso pa 2021. Hopi ta esnan cu awendia ta masha interesa pa nan amplia nan conocemento riba e materia aki cu ta encera plantamento.

Tin casonan cu curso ta practicamente ful di cursista debi na demanda. Hopi tambe sa keda afo debi cu kisas no tabata mucho na altura ki tempo curso ta cuminsa exactamente of kisas ta net laat pa e curso cu ya ta cera.

Recientemente cambionan tambe a wordo hasi cu awor e curso di Agricultura/Horticultura ta resorta awor bou di Openbare Avondleergangen Aruba(OAA) hunto cu Departamento di Agricultura, Cria y Pesca Santa Rosa.

E curso aki tin un duracion di 6 siman y tur ta wordo duna na Santa Rosa riba dialuna cu ta curso di teoria y practico ta riba diasabra. E curso ta bou encargo di sr. Ludwig Rasmijn di Santa Rosa

E curso riba su mes ta wordo maneha via di OAA caminda tur inscripcion y informacion ta tuma luga.

Tur persona cu ta interesa por tuma contacto cu OAA pa asina por ocupa un espacio den e curso. Nan number di tel: 588-0150 of 582-7324. Website www.oaa.aw y tambe email na [email protected].

Di parti di Openbare Avondleergangen Aruba(OAA) y Santa Rosa nos ta desea tur cursista hopi exito durante e 6 simannan aki.