Durante conferencia di prensa diahuebs anochi Minister di Husticia Andin Bikker a anuncia cero tolerancia riba aglomeracion en general. Un decreto nobo a drenta na vigor for di 12:00AM y cu control di Cuerpo Policial na diferente establecimento y area manera entre otro Eagle Beach y Arashi.
Mientrastanto pa mas o menos 5:30PM patruyanan di districto di playa a dirigi nan mes den area di Linear Park pa controla e aglomeracion riba eventonan di “Spula Krijt” tumando luga.
Na prome instante a yega algun patruya mientras despues a yega team di Mobiele Eenheid ( ME ) di Cuepro Policial pa asina reenforsa e coleganan. Tin di bisa cu e aglomeracion ta grandi y a tuma nota cu e publico no ta considerando en lo absoluto e decreto anuncia pa e mandatario. Situacion no ta esun desea y ta pendiente e proximo paso cu lo tuma.
Polis a atende cu e propietarionan y a pidi coperacion di cada un pa tene nan mes na regla y di nan parti a bisa di pidi cooperacion di nan clientenan.