Prome contribuyente cu a paga number di auto

Awe mainta mr. Luenne Pieters, Director di Departamento di Impuesto (DIMP) a otorga e plachinan di number 2019 na Giomar “Gio” Heronimo. E ta e prome persona cu a paga su impuesto di vehiculo di motor pa aña 2019 y asina a demostra como bon ciudadano di a cumpli cu su deber impuesto. El a habri e caminda pa tur otro cliente cu tambe a sigui su ehempel.

Ya caba, den luna di december, riba 15 mil contribuyente a cumpli cu nan pago pa por haya nan number di auto.

Empleadonan di DIMP a trata duro entre Pasco y Aña Nobo pa prepara y controla e plachinan pa por cuminsa entrega nan. Ayera a entrega Prome Minister y Minister di Finansa y awe mainta a honra e prome cliente cu a cumpli pa e aña aki.

Masha danki Giomar Heronimo y na tur esunnan cu a cumpli caba. Pasobra na final….Cumpliendo cu impuesto ta nifica tambe cumpli cu Bo pais!