Prome biaha den TDQ: Ningun detencion durante henter anochi!

1311

Cuerpo Policial tabata masha orguyoso di anuncia awe, cu despues di casi 2 luna di Toque de Queda, cu ayera nochi tabata e prome bes cu NO tabatin detencion. No obstante di control di Polis den tur bario, no a topa cu ningun hende riba caya. Esey ta un tendencia nobo cu nos ta spera lo continua den e dianan nos dilanti. Den e ultimo dianan tabatin hasta un record di 45 detencion den un solo anochi, mientras cu tabata prohibi pa tin hende riba caya!

Ta desde diasabra 21 di maart cu tin Toque de Queda riba nos isla, conoci den ley penal como “Avondklok” den cual ta prohibi pa ta riba caminda publico. A detene mas di 600 persona, pero di cual 533 sospechoso so a haya un multa, cu hunto a suma na Afl. 540.000,=.

Tin por lo menos seis di e sospechosonan cu nan a detene por lo menos tres biaha den e ultimo 6 simannan. Entre e detenidonan, tin 36 recidivista. Ta bon pa seรฑala, cu aunke a detene adictonan ambulante varios biaha, cu no ta conta nan den e total, ni di detencion ni tampoco di multa, asina Ann Angela, Vocero di Ministerio Publico a bisa awe mainta.