Segun Gino Goeloe, na Wit Gele Kruis ta concentra riba 0 pa 5 aña. For di baby of den e caso aki, prome cu e baby nace caba, tin curso pa futuro mayornan, unda cu ta purba di guia e mayornan mas miho posibel cu anochinan informativo y te ora cu e baby nace, tin e afdeling di kraam, unda cu ta observa, te cu consultatie bureau.
Den e caso aki ta wordo guia den opleiding pa observa e baby, e mayor. Pero loke a ripara ta cu aki na Aruba, pero tambe rond mundo, tin mas tactica pa observa mas diep. Eynan RINO a cay aden, unda cu ta guia Wit Gele Kruis pa wak mas aleu cu solamente cierto observacionnan y unda cu por guia e mayornan miho. Ta observa cierto relacion entre mayor cu yiu y tin sorto di observacion cu por ta abo como profesional ta bisa cu esaki ta normal of e no ta normal. Den e caso aki na RINO ta cay aden y ta ilustra cu normal cu e abnormal y unda cu abo como un profesional mester bay duna guia mas aleu. Mester bisa cu e opleiding aki na Hulanda tambe nan ta dun’e, pero na Inglatera, nan a haci’e parti di nan beleid di nan pais. Nan a pone den e plan di Gobernacion.
Tur parti na Inglatera, tur instancia cu ta deal cu mucha di 0 pa 5 aña, mester tin e opleiding aki den nan instituto, of den nan consultorio den e caso di WGK. Ta algo cu na Hulanda mes no tin’e ainda. Inglatera si a tuma e plan aki hopi na serio. A bisa cu e cos aki no por lag’e asina aki y ta pone den e curriculum di e pais Inglatera, pa tur hende guia e mayornan den e mesun manera y den e caso aki, si constata cu cosnan no ta bay bon, e guia tey pa mehora esey. Ta importante pa menciona cu e opleiding aki ta unda cu ta cuminsa hopi riba 0 pa 3 aña cu ta e fundeshi di e mucha. Hopi biaha ta haya problemanan cu ta bin despues di 3 aña of 5 aña, pero e base ta 0 pa 3 aña. Eynan tin cu bay concentra mas. Esey ta e opleiding di RINO. Ta bay concentra mas riba e fundeshi di e mucha ey.
