“Un aña pasa nos a huramenta como Minister y nos a forma Gabinete Wever-Croes. E aña tras di lomba no tabata facil. Na principio mester a ahusta constantemente na e realidad cu tabata birando conoci. Despues mester a tuma pasonan dificil pa enfrenta e realidad financiero amargo. Awor nos ta trahando pa dentro di poco brinda alivio financiero na cada cuidadano, specialmente nos pensionadonan y brinda proteccion na esunnan mas vulnerabel den nos comunidad”, tabata e prome e prome palabranan di Prome Minister Evelyn Wever-Croes, na ocasion di prome aña di Gabinete Wever-Croes.

“Nos ta pone e ser humano prome, den tur sentido y nos compromiso ta pa crea bienestar y progreso pa tur cuidadano di pais Aruba. Nos no ta ainda caminda nos mester ta, pero nos ta riba e rumbo corecto”, asina mr. Evelyn Wever-Croes, Minister Presidente di Aruba a bisa awe, celebrando prome aniversario di su Gobierno.

“Mi ta gradici Dios pa e forsa cu E ta dunami dia aden dia afo, mi ta gradici cada un di Boso pa e sosten, oracion y bon deseonan. Nos ta E CAMBIO cu pueblo tanto a anhela. Sinembargo den un aña nos no por a realisa e cambio pa tur hende. Ohala mi por sigui conta riba Bo sosten pa nos ban sigi traha hunto pa realisa e cambio ey pa tur cuidadano di nos pais”, asina e prome mandatario a termina bisando.

Comments

comments