Diaranson, 9 di juni a tuma luga e prome actividad di dam den aña 2021.
Esaki tawata un simultaan duna door di e nos campeon di dam di aña pasa Rolin Croes, unda cu el a enfrenta 9 hungado cu a presenta e anochi ey. Rolin a logra di gana 4 wega, tabla 2 y perde 3. Un score di 55.6%.
Tawata presente na e prome evenemento di dam pa aña 2021, un representante di Lotto y un representante di ASU.
Otro siman dia 16 di Juni, club di dam Arowak ta continua cu su actividadnan cu e prome torneo di aña. Esaki ta e campeonato abierto di Aruba.Tur hungado di dam ta bonbini.
Formato di wega lo ta Round Robin, unda tur hungado lo topa otro un biaha. Duracion lo ta 1 ora pa banda c’un aumento di 30 seconde despues di cada hugada. Nos ta start pa 7:00pm exacto den nos clubhuis na Nieuwstraat 11, Oranjestad.
Tur wega lo termina entre 9:00 y 10:00 pm.
Pa mas informacion, por tuma contacto cu Mario Jansen (cel. 699-8245) of Ricardo Wever (592-6391) of Octavio Croes (594-5590).
