Prolongacion di detencion pa 20 sospechoso p’e disturbionan na Corsou

746

Enconexion cu e disturbionan di diaranson 24 di juni 2020, polis a haci diferente detencion. E detencionnan aki tabatin di haber cu entre otro cendemento di candela, ladronicia, destruccion y

instigacion. E personanan cu polis a detene, conforme e disposicionnan legal den codigo di enhuiciamento penal, mester a aparece dilanti di fiscal di Ministerio Publico y hues-comisario enconexion cu prolongacion di custodia y ‘rechtmatigheidstoets’.

Den un ‘rechtmatigheidstoets’ hues-comisario ta evalua si e procedura a cana di forma corecto y si e personanan sospechoso mester keda den custodia pasobra tin motibo pa haci mas investigacion. En total 31 persona a presenta dilanti hues-comisario. Ministerio Publico a permiti algun sospechoso bay cas awe (8), mientras hues-comisario tambe a laga algun otro sospechoso (3) liber.

Finalmente pues, di e 31 personanan cu a presenta dilanti hues-comisario, 20 a keda den custodia mientras na e momento aki, investigacion encuanto nan caso ta tumando luga. Un prolongacion di custodia ta nifica cu un sospechoso en principio ta keda maximo, 8 dia mas deteni.