Dialuna Hues Comisario tabata druk cu varios caso cu e mester a atende, entre otro e detencion di e persona sospecha di pornografia infantil. E homber Malvin Loefstop a keda deteni siman pasa, basa riba un investigacion internacional tumando luga di personanan cu ta baha videonan di pornografia infantil.
Segun por a comprende, e persona aki kende ta IT di profesion ta nenga di tin algo di haber cu e asunto aki. Ta parce cu e tin di haber cu computer di un cliente cu e tabata drechando. Pero su detencion dialuna a keda prolonga cu (8) dia.
Cuatro persona a keda deteni caba den e investigacion di pornografia infantil y solamente un ta deteni te ainda. Na Merca principalmente ta tuma e tipo di e delitonan aki hopi na serio.
