ProLine Baseball ta un liga di winter, caminda ta scoge tur e hungadonan cu ta hunga den exterior, cu sea ta riba nivel di College como esunnan cu ta firma.
E hungadonan aki, hunto cu e miho nan di Aruba, a forma cuater ekipo. Kevin James, Representante di Pro Line na Aruba a splica cu asina nan a forma e liga Pro Line. E ta un liga unda cu tur cu ta hunga den exterior, lo por hunga. Otro aña lo acepta e hungadonan di tur rond mundo. Y asina lo eleva e nivel di baseball na Aruba. Y ta un stap mas di preparacion pa ora bay afo.
Mas aleu, James a bisa cu a selecta e miho managernan como tambe miho capitan nan. Di aki a scoge e capitan nan di e ekiponan cu lo bay traha cu e muchanan. Mescos cu cualkier draft, algun hungado ta cay afo, pero e scout di e liga lo bay check e hungadonan, y asina duna nan un otro “fair chance”.
E liga lo cuminsa dia 26 di november, dor cu e ta un liga di winter. Dia 25 di november lo ta e apertura di e liga lo tin un duracion di seis siman. E final lo ta net prome cu carnaval. James a bisa cu lo tin ‘season ticket’ na benta y cu e lo ta un liga tambe cu lo tin entretenimento pa e publico presente.
