E programa di aña 2019 di Fundacion Movemento ta Bida a start sali e siman aki den differente districto.
Ja diasabra nos a cuminsa cu nos caminata den naturalesa den parke Arikok cu lo ta tur diasabra cuminsando pa 6.30 di mainta caminda y tur hende di tur edad ta bon bini y ta gratis.
Na Centro di Bario Noord, Centro di Bario Tanki Leendert , Sportboys Santa Cruz y na Parochi di Dakota tur programma ta cuminsa e siman aki. Horarionan ta keda mescos cu aña pasa y nos ta desea tur partisipante un aña exitoso jen di ambiente cu e programma “ Hunto nos ta vence embehecimento”.
Pa e aña aki FMTB pa promer biaha lo tene un competencia di baliamento cual lo tuma lugar dia 30 di maart den Centro di Bario Dakota durante un anochi ameno cu dos banda.
Tur hende ariba 40 aña por partisipa y por inscribi na oficina di FMTB of jama na tel 5868651 .
E persona encarga cu esaki lo ta Judith Martha na tel 5935469.
Bin mustra kiko bo por hasi ariba e pista di balia cu bo pareha.
Fundacion Movemento ta Bida lo bin cu hopi mas actividad e aña aki asina ta keda pendiente pa mas informacion.
