Procesamento di desperdicio na EcoGas bayendo sublime

Segun Arcadis, un empresa multinacional renombra, e planta y trahadonan di EcoGas ta traha na mesun nivel halto compara cu Europa y cu eficiencia hopi halto. Despues cu procesa tur desperdicio comercial y residencial na EcoGas, no ta keda ningun desperdicio pasobra tur material separa ta bira un producto util. Kiermen tin uzo util pa 100% di e desperdicio despues cu Ecogas proces’e.

Hopi fabrica di cement na Europa ta uza RDF como combustibel of nan ta uza RDF pa yena den buraconan grandi mescos cu actualmente ta sosode na Sero Teishi. Por ehempel, e buraco na Butucu su so por tuma 30 aña di RDF prome cu e ta full yena y tapa. Pero tin hopi mas buraco rond di Aruba cu a wordo coba pa saca santo y cu lo keda habri pa semper, awor nan por wordo cera cu RDF den Envirobales.

Segu ley na Hulanda, no ta clasifica RDF como desperdicio si e tin un aplicacion util manera describi. Remarcabel ta cu Gobierno ta prefera gasta hopi placa extra pa un solucion cu ta menos bon pa nos medio ambiente compara cu loke ta e practica actual.

Manera splica varios biaha caba pa Gobierno mes, Envirobales cu ta wordo dera ta contene RDF cu NO ta toxico of dañino pa medio ambiente.