Problema familiar a bay for di man: Hincamento y detencion na Montaña

Dialuna mainta den careda di 11:17 AM a socode un incidente basta grave na Montaña 27 Noord, caminda un problema familiar a escala y bay completamente for di man.

Na sitio por a compronde cu den e pelea formal aki, dos persona a resulta herida cu hinca, mientras a detene un di tres persona y transport’e pa warda di shaba.

A transporta dos victima cu ambulance, cada un ta acompaña pa un polis direccion Hopsital pa asina ricibi tratamento medico. No ta conoci si e victimanan di hincamento tambe lo keda deteni despues.